-

MAKOSA 10 UNAYOFANYA WAKATI WA KUUZA BIDHAA/HUDUMA YAKO NA NAMNA YA KUYAEPUKA









Kuuza bidhaa au huduma ni sanaa ambayo lazima ufahamu kanuni zake. Ndio maana wewe na mwenzako mnaweza kuwa mnauza bidhaa au huduma inayofanana lakini mwenzio anauza zaidi ila wewe unaishia kuza kidogo.

Kuna baadhi ya makosa ambayo wafanyabiashara wengi wamekua wakiyafanya mara kwa mara lakini hawajui kuwa ni makosa,na huwa yanafanya wasiuze au watumie nguvu kubwa kushawishi mteja.

1.KUTOMSIKILIZA MTEJA VIZURI
Hii ni changamoto pale ambapo wewe muuzaji unakua muongeaji kupita kiasi na kutompa mteja nafasi ya kuongea au kuuliza maswali.
Kimsingi wewe unatakiwa usiwe muongeaji sana zaidi ya mteja.
 Fanya Hivi
Tumia muda mwingi kumsikiliza vizuri mteja ana changamoto gani au anahitaji huduma ipi,na wewe jikite kumuuliza maswali machache ili ufahamu shida yake zaidi.

2.KUFOKASI KWENYE MUONEKANO WA BIDHAA BADALA YA FAIDA ILIYOPO
Hii imekua changamoto kubwa kwa wafanyabiashara wengi ambapo wao huzingatia zaidi muonekano wa bidhaa au huduma zao badala ya kujikita kumuelekeza mteja FAIDA zinazopatikana kwenye bidhaa au huduma husika.
Kumbuka mteja huwa anataka apate faida inayopatikana na sio vitu vingine.
Fanya hivi
Tafsiri faida inayopatikana kwenye muonekano wa bidhaa yako.
Usiseme 'Kiatu hiki ni kizuri nunua" ila sema "kiatu hiki ni imara kitakupunguzia gharama ya kununua kiatu kingine ndani ya muda mfupi"

3.KUTOA AHADI ZA UONGO KUHUSU BIDHAA/HUDUMA
Kusema ahadi ambazo sio za kweli kuhusu bidhaa au huduma yako wakati unajua kabisa huwezi kuzitimiza au bidhaa yako haina hicho kitu unachokisema.
Mteja anakua na matarajio makubwa toka kwenye bidhaa au huduma lakini sio kweli.
Fanya hivi
Kuwa mkweli na muwazi usipende kumpa matumaini makubwa mteja ambayo si ya kweli.
Ni bora uweke ahadi ndogo lakini mteja aende akakutane na matokeo makubwa ya huduma au bidhaa yako.

4.KUTOKUBALI MAPINGAMIZI YA MTEJA
Kupenda kumbishia mteja juu ya jambo fulani analoliamini kuhusu bidhaa au huduma yako ni kosa ambalo wengi tunalifanya.Ndio kuna wateja wanakera lakini inatakiwa uwasikilize mapingamizi yao.
Fanya Hivi
Kwakua wewe ni mfanyabiashara basi usiogope mapingamizi au maswali toka kwa mteja.
Sikiliza vizuri usibishe na tolea ufafanuzi kiundani ili kumridhisha mteja wako.

5.KUTOWAFUATILIA WATEJA MARA NYINGINE(FOLLOWUP)
Unaweza kukutana na mteja ambae amekuahidi kuwa atakua tayari kununua bidhaa yako baada ya siku kadhaa kutokana na sababu mbalimbali.
Sasa kitendo cha kutochukua mawasiliano ya mteja ili kuwasiliana nae hiyo siku husika imekua ni kosa linalofanywa na wafanyabiashara wengi.
Na mwisho wa siku mteja hafuatiliwi ili kukumbushwa na hatimae anapotea.
Fanya hivi
Weka utaratibu wa kuweka kumbukumbu ili kuwafuatilia wale wateja ambao wametoa ahadi ya kununua siku nyingine hiyo bidhaa au huduma yako.

6.KULAZIMISHA SANA KUUZA HAPO HAPO
Kuna nyakati unajikuta unafosi mteja anaunue hapo hapo siku ya kwanza. Hii humfanya mteja awe na wasiwasi juu ya huduma au bidhaa yako.
Kuuza ni uvumilivu,kwani kuna baadhi ya bidhaa au huduma inatakiwa ujenge mahusiano na mteja kwanza ili afanye maamuzi ya kununua
Fanya hivi
Jenga mahusiano na mteja kwanza kwa kueleza faida na thamani ya bidhaa au huduma yako na mpe muda mteja afanye maamuzi ya kununa kwa spidi yake,kwani kuna ,mazingira sio lazima kufosi mauzo hapo hapo.

7.KUPOTEZA MUDA KWA  MTU ASIE MTEJA
Lazima uwe na ujuzi wa kumtambua haraka mtu ambae sio mteja na hawezi kununua hiyo bidhaa yako.
Vinginevyo utajikuta unatumia nguvu kubwa na muda mwingi kwa mtu ambae hana uwezo wa kununua.
Fanya hivi
Lazima umuulize mteja maswali mengi ili kujua kama anaweza kununua,je, anayo bajeti?,ana uhitaji kwa sasa?,je ana changamoto?
Hii itasaidia kuweka nguvu kubwa kwa wale wateja ambao wana uwezekano mkubwa wa kununua bidhaa au huduma yako.

8.KUMPUUZA MSHINDANI WAKO
Kutozingatia bidhaa anayouza mpinzani yako inayofanana na yako na jinsi gani ya kujitofautisha nae.
Hii huwa inafanya ushindwe kujua namna gani wewe utafanya ili uweze kudaka wateja wako kiurahisi tofauti na mpinzani wako.
Fanya hivi
Zingatia mpinzani wako anauzaje bidhaa au huduma kama yako,ili wewe ujue namna gani ya kuithaminisha bidhaa au huduma yako ili kujua namna ya kuwashawishi wateja wako.
Usichukulie kawaida washindani wako.

9.KUTOTUMIA SHUHUDA ZA WATEJA WALIO WAHI KUNUNUA KWAKO
Hili ni kosa pale ambapo unashindwa kuwa na shuhuda za wateja wako ambao umewahi fanya nao kazi,au umewahi wauzia hiyo bidhaa au huduma yako.
Kumbuka ni ngumu sana kumshawishi mteja mpya kununua kwako kama hakujui.
Fanya hivi
Waonyeshe wateja wako shuhuda za wateja wako ambao walifanikiwa baada ya kununua bidhaa au kutumia hiyo huduma yako.
Hii itakurahisishia kuaminika kwa haraka,maana wateja wanapenda kununua baada ya kuona kuna watu wengine wamefanikiwa baada ya kutumia huduma au bidhaa fulani.

10.KUTOA MAELEZO MENGI KWA MTEJA YASIYO HITAJIKA
Kumjazia mteja kila aina ya taarifa sio ndio kwamba utauza. Na sio kila mteja utamshawishi kwa kutumia mbinu zilezile ulizokalili.
Kuna wateja huwa wanahitaji uelezee kiufupi bidhaa au huduma yako basi.
Mteja huwa hapendi kuchoshwa na taarifa nyingi ambazo hata hazina maana sana kwake.
Fanya Hivi
Msome mteja ana changamoto gani,muulize maswali ili uweze kujua maelezo gani yatamfaa ili kumshawishi,acha kukariri na kutoa kila taarifa ya huduma au bidhaa yako,maana nyingine hazina umuhimu wowote.

IMEANDIKWA NA
Mchumi Consulting
0714260266

MFANYABIASHARA JIUNGE BURE NA GROUP LETU LA WASAP ILI KUPATA HUDUMA NA MASOMO YETU MUDA WOTE HAPO CHINI👇👇



Eneo: Tanzania

Maoni

Chapisha Maoni

Machapisho maarufu kutoka blogu hii

-
Picha
FAHAMU BIASHARA 19 ZA KUANZA NA MTAJI MDOGO ZENYE FAIDA Tuangalie biashara 19 za mtaji mdogo usiozidi Tshs. 100,000(laki moja) unazoweza kufanya na zenye faida kubwa. Mtaji mkubwa unaohitajika unapoanzisha biashara ni muda na wala sio pesa kama utakavyojifunza hapa. Hakuna biashara ndogo, ila kuna biashara unazoweza kuanza na mtaji mdogo na zikakuletea faida kubwa. Hiyo ambayo inaitwa “biashara ndogo” ukiifanya kwa ubora wa hali ya juu na bidii ipo siku itakutoa. Kabla hatujaenda kwenye hiyo orodha ya hizo biashara za mtaji mdogo, hebu tuweke sawa kauli ya “zenye faida kubwa”. Faida kubwa haimaanishi mamilioni ya fedha, bali ni kwamba faida utakayoipata kulingana na mtaji wako ni nzuri na usipokata tamaa itakufikisha mbali. ZINGATIA: Unapotaka kuanzisha biashara yoyote ile, ni vyema kufuatilia utaratibu na sheria za mahali ulipo. Tafadhali ilinde biashara yako kwa kufuata kanuni zote zilizowekwa na serikali. Baada ya kulisawazisha hilo, twende kwenye hiyo orodha ya biashara za mtaji md...
Endelea kusoma

FAIDA ZA KUWA NA KAMPUNI NA NAMNA YA KUGAWA HISA NA KUISAJILI HAPA TANZANIA

-
Picha
Kampuni ni chombo muhimu katika ulimwengu wa biashara, kinachowezesha watu kuunganisha rasilimali zao na kufanya shughuli za kiuchumi kwa pamoja.  Kampuni inaweza kuwa na umiliki wa watu binafsi, familia, au hata wawekezaji wengi. Katika muktadha wa Tanzania, kampuni ni njia bora ya kuendesha biashara kwa ufanisi na kupata faida kubwa. MAANA YA KAMPUNI  Kampuni ni asasi au shirika linalotambulika kisheria ambalo limeundwa kwa ajili ya kuunda au kuuza bidhaa na/au huduma kwa wateja.  Kampuni ina sifa ya kuwa na utu wa kisheria tofauti na wamiliki wake, kumiliki mali zake, na kuwa na uwezo wa kushtaki na kushtakiwa kwa jina lake. Faida za Kuwa na Kampuni 1.Utu wa Kisheria:  Kampuni inatambulika kisheria kama mtu binafsi, tofauti na wamiliki wake. Hii inamaanisha kuwa kampuni inaweza kumiliki mali, kuwa na madeni, na kuingia mikataba kwa jina lake. 2.Uwezo wa Kukusanya Mtaji:   Kampuni inaweza kukusanya mtaji kwa kuuza hisa kwa wawekezaji. Hii inasaidia kampuni kup...
Endelea kusoma
-
Picha
YAFAHAMU MAMBO 5 (MATANO) ILI KUENDESHA BIASHARA YENYE MAFANIKIO Dunia ya biashara imekua ikibadilika mara kwa mara,hii ikiwa ni pamoja na ujuzi au mikakati mbalimbali ambayo imekua ikitumika kulingana na aina ya biashara husika nayo huwa inabadilika. Haijalishi kama ndio unaanza biashara au ni mzoefu kwenye biashara fulani itakulazimu kuendana tu na mabadiliko mbalimbali ili uweze kufanikiwa kibiashara.  Katika andiko hili tutashirikishana mambo kama matano muhimu ili kusaidia kufanya biashara yenye mafanikio ili uweze kutimiza malengo yako uliyojiwekea. 1. JENGA JINA(BUILD A BRAND) Brand ni zaidi ya nembo ya biashara yako.  Huu ni utambulisho wa biashara yako na kwa namna gani unafikisha utambulisho huo kwa wateja wako. Ukiwa na brand(jina) kubwa ni rahisi kuwa mbele ya washindani wako,na vilevile utavutia watu wengine waje kwako na pia utaongeza thamani yako sokoni.   Hivyo ni muhimu sana ukaweka mikakati ya kujenga brand yako kwa kujitofutisha na washindani wako kwa k...
Endelea kusoma