MAMBO 6 YA KUFANYA PINDI UNAPOSHINDWA KULIPA MKOPO WA BENKI

-



Malengo ya kuchukua mkopo huwa ni kuingiza kwenye lengo la mkopo hasa biashara kwa ile mikopo ya biashara.

Na matarajio ya mkopeshaji na anaekopeshwa huwa ni mkopo huo kurudishwa kwa wakati kama makubaliano ya mkopo yanavyo sema.

Sasa kuna wakati inatokea mfanyabiashara anashindwa kulipa mkopo husika kutokana na sababu mbalimbali zilizo ndani ya uwezo wake au nyingine ni sababu ambazo zipo nje ya uwezo wake na hakuzitarajia kabisa.

Kuna wakati mfanyabiashara anaweza kutwa na majanga mbalimbali yanayofanya biashara ifungwe au isiendelee kuingiza mauzo kama ya awali au mhusika kukutwa na ugonjwa au kufiwa na sababu nyingine nyingi kama ilivyoainishwa hapo awali.

Sasa ikitokea hali hii ni kipi mfanyabiashara anatakiwa kufanya ili angalau aweze kupata ahueni ya kulipa mkopo wa taasisi ya kifedha au namna nyingine ya kupata msaada juu ya hali hii

1. ONGEA NA MKOPESHAJI

Mara nyingi ni vizuri na muhimu ukipata changamoto ya kulipa mkopo ni vema ukatoa taarifa kwa taasisi au benki iliyokupa mkopo mapaema.

Hii husaidia benki au taasisi ya kifedha kuwa na taarifa rasmi na wao inakua rahisi kurekodi taarifa zao kulingana na taratibu za ndani za taasisi ya fedha.

Maana ni jukumu lao la msingi kujua hali ya kiuchumi ya kila mteja aliekopeshwa kama sehemu ya majukumu yao

Ni vizuri kuongea na mkopeshaji juu ya changamoto husika kuliko kukaa na changamoto peke yako,labda tu kwa uwoga au kwa kuogopa.

Weka mahusiano mazuri na wadau wanaokupa mkopo,kama maafisa mikopo wako n.k

Wafanye wawe marafiki zako,hii itasaidia kupewa mawazo ya kipi cha kufanya maana wao wanajua utaratibu wa ndani wa benki au taasisi husika.

2. OMBA MUDA WA KUREJESHA UONGEZWE

Hili ni jambo la msingi sana nalo kuzingatiwa kwa mfanyabiashara pale anapopata changamoto ya urejeshaji wa mkopo.

Omba benki au taasisi ya fedha ikuongezee muda wa kulipa mkopo wako kwa kusogeza mbele(re-structuring au re-scheduling)

Mkopo wako ukifumuliwa upya na kuongezewa muda utapata ahueni kiwango cha marejesho unayorudisha(installments) kila mwezi au katika mfumo wa muda mliokubaliana na taasisi ya fedha au benki

Mfano kama ulikua kwa mwezi unapeleka benki milioni moja sasa unaweza pata ahueni ukawa unapeleka laki sita kila mwezi.

Hii inakupa ahueni na kuipunguzia mzigo biashara ambayo kimsingi imekosa au uwezo wake wa kulipa(capacity) umepungua.

Na unaweza kupata muda wa kujipanga zaidi kwenye biashara yako bila kuathiri jina na sifa yako kwenye taasisi za kifedha.

Ni vizuri maombi haya ukayaweka katika mfumo wa barua rasmi ili nawe uwe na kumbukumbu na uhakikishe barua hiyo imepokelewa rasmi na wahusika(taasisi au benki) kulingana na taratibu zao za upokeaji wa taarifa au maombi ya mteja

3. OMBA MKOPESHAJI ASIMAMISHE GHARAMA ZA ZIADA

Hili pia ni ombi unaloweza kuomba kwa anaekukopesha,maana kila mkopo huwa una masharti kadhaa wa kadha mnaypokubaliana.

Kuna baadhi ya taasisi au benki huweka kiwango fulani cha asilimia kama ongezeko la ucheleweshaji wa mkopo baada ya muda fulani.

Ongezeko hili linaweza kuwa asilimia kadhaa ya rejesho lako la kila mwezi au namna yoyote mliyokubaliana.

Kimsingi haya maongezeko yanayoongezeka kama gharama za mkopo huwa yanaongeza kiasi cha mkopo wote unaotakiwa kulipa.

Hivyo ili kupunguza gharama hizi ni vizuri kuongea na taasisi iliyokukopesha wasimamise gharama hizi ili uzidi kupata ahueni ya kulipa mkopo wao

Jambo hili ni muhimu sana kulifahamu kama wewe ni mfanyabiashara,na unaweza kuandika kabisa barua rasmi ya kuomba jambo hili lifanyike kama sehemu ya jitihada zako za kuhakikisha mkopo wako unalipwa vizuri na utaelezea kabisa changamoto unazo kutana nazo.

Hii itakusaidia sana kama endapo kuna hatua za ziada unahitaji kufanya ili kuweza kujinasua katika jambo la ulipaji wa mkopo husika.

4. OMBA ULIPE KIDOGO KIDOGO

Hii ni njia nyingine ya muhimu kuzingatiwa kwa mfanyabiashara hasa ambae biashara yake imepata matatizo.

Kama tunavyojua hali ya biashara sio kila siku huwa inakua inafanana,maana kuna muda hali inakua mbaya sana hadi unashindwa kupata pesa ya kulipa mkopo wako kwa wakati kabisa

Ni muhimu sasa kuomba rasmi taasisi ya fedha ikuwekee mazingira mepesi ya wewe uwe unalipa pesa ya rejesho lako kidogo kidogo.

Tofauti na ule mfumo wa tarehe fulani ndio lazima rejesho liwe limekwa.

Hakikisha maombi haya yanakua rasmi kabisa tena ikiwezekana andika kabisa barua au email kwa mkopeshaji ili ajue kabisa ili uwe na kumbukumbu ya ombi lako na wao waeke kumbukumbu rasmi.

Hii itasaidia taasisi ya kifedha au benki,kubadilisha utaratibu na namna ya kuuweka mkopo wako kulingana na taratibu zao za ndani.

Usiwe muoga kutafuta suluhu ya namna ya kulipa mkopo wako pale unapopata matatizo

Ukikaa kimya bila kutoa taarifa ndio husababisha matatizo makubwa baadae ikiwa ni pamoja na kuuziwa dhamana za mkopo husika

5. OMBA ULIPE RIBA NDANI YA MUDA FULANI

Jambo lingine unaloweza ongea na mkopeshaji(benki au taasisi ya kifedha yoyote) baada ya kupata changamoto ya ulipaji ni pamoja na kuomba ulipe riba tu ndani ya muda fulani.

Hii itakusaidia kupata ahueni ya urejeshaji katika wakati huu ambao unapitia changamoto ya biashara.

Na itasaidia uendelee kujipanga zaidi ili huko mbeleni urudi katika mfumo wa awali.

Hii huwafaa zaidi wale ambao wamepata changamoto ya dharula kwa sasa lakini wana uhakika kuwa baadae wataweka sawa mambo yao upande wa biashara.

Mfano kwa yule mfanyabiashara ambae labda mzigo umechelewa kufika,au kuna watu anawadai malipo yamechelewa,au kuna wale wafanyabiashara ambao amepata changamoto ya ulipaji ila huko mbeleni atapata pesa ya uhakika kulipa vizuri rejesho.

Changamoto ya njia hii ni kuwa mwanzoni huku unapata ahueni ya kulipa rejesho dogo(riba tu),lakini huko mbeleni utalipa marejesho makubwa maana marejesho mengi huwa yanasogezwa mbele

6. OMBA MSAADA AU UZA BAADHI YA MALI ZAKO

Jambo jingine unaloweza kufanya ukipata changamoto ya kulipa mkopo,ni pamoja na kuomba msaada kwa ndugu jamaa na marafiki ili wakupe msaada.

Hapa ni unawaelezea ndugu au marafiki hatari unayoiona au inayoweza kutokea kama ukishindwa kulipa mkopo wa taasisi ya fedha au benki ikiwemo suala la dhamana yako kuuzwa.

Hii itakusaidia kupata mawazo mbadala au msaada wa kifedha au kisheria kwa watu,maana wao wanaweza kuwa na uzoefu au wakakusaidia kiasi cha fedha ukaenda kulipa.

Lakini vilevile kama endapo una mali au vitu vya kuuza kwa haraka,unaweza fanya hivyo kwa kuuza ili upate fedha ya kulipa mkopo au kuwekeza kwenye biashara ili ipate mzunguko na kuiongezea nguvu ili urudi katika hali ya kawaida.

Tumeona baadhi ya mambo unayoweza kufanya ili angalau ujinasue hasa pale biashara yako inapokosa uwezo wa kulipa mkopo kwa sababu huenda zilizo nje ya matakwa yako.

Haya ni baadhi tu ya mambo ya kufanya lakini kuna njia nyingine nyingi ambazo zinatofautiana kulingana na aina ya mkopo,mazingira,aina ya mkopeshaji na vitu vinginevyo.

Na pia ikumbukwe sio kila njia iliyotajwa hapo juu inaweza kumfaa kila mtu,maana masharti ya kimkataba yanaweza kuwa yameelekeza kipi cha kufanya kukitokea changamoto ya kushindwa kulipa mkopo kwa wakati au kushindwa kulipa kabisa.

IMEANDIKWA NA
Mchumi Consulting 
0714260266

JIUNGE NA GROUP LETU LA WASAP BURE ILI UPATE HUDUMA NA MASOMO YETU MUDA WOTE👇

Maoni

Chapisha Maoni

Machapisho maarufu kutoka blogu hii

-
Picha
FAHAMU BIASHARA 19 ZA KUANZA NA MTAJI MDOGO ZENYE FAIDA Tuangalie biashara 19 za mtaji mdogo usiozidi Tshs. 100,000(laki moja) unazoweza kufanya na zenye faida kubwa. Mtaji mkubwa unaohitajika unapoanzisha biashara ni muda na wala sio pesa kama utakavyojifunza hapa. Hakuna biashara ndogo, ila kuna biashara unazoweza kuanza na mtaji mdogo na zikakuletea faida kubwa. Hiyo ambayo inaitwa “biashara ndogo” ukiifanya kwa ubora wa hali ya juu na bidii ipo siku itakutoa. Kabla hatujaenda kwenye hiyo orodha ya hizo biashara za mtaji mdogo, hebu tuweke sawa kauli ya “zenye faida kubwa”. Faida kubwa haimaanishi mamilioni ya fedha, bali ni kwamba faida utakayoipata kulingana na mtaji wako ni nzuri na usipokata tamaa itakufikisha mbali. ZINGATIA: Unapotaka kuanzisha biashara yoyote ile, ni vyema kufuatilia utaratibu na sheria za mahali ulipo. Tafadhali ilinde biashara yako kwa kufuata kanuni zote zilizowekwa na serikali. Baada ya kulisawazisha hilo, twende kwenye hiyo orodha ya biashara za mtaji md...
Endelea kusoma

FAIDA ZA KUWA NA KAMPUNI NA NAMNA YA KUGAWA HISA NA KUISAJILI HAPA TANZANIA

-
Picha
Kampuni ni chombo muhimu katika ulimwengu wa biashara, kinachowezesha watu kuunganisha rasilimali zao na kufanya shughuli za kiuchumi kwa pamoja.  Kampuni inaweza kuwa na umiliki wa watu binafsi, familia, au hata wawekezaji wengi. Katika muktadha wa Tanzania, kampuni ni njia bora ya kuendesha biashara kwa ufanisi na kupata faida kubwa. MAANA YA KAMPUNI  Kampuni ni asasi au shirika linalotambulika kisheria ambalo limeundwa kwa ajili ya kuunda au kuuza bidhaa na/au huduma kwa wateja.  Kampuni ina sifa ya kuwa na utu wa kisheria tofauti na wamiliki wake, kumiliki mali zake, na kuwa na uwezo wa kushtaki na kushtakiwa kwa jina lake. Faida za Kuwa na Kampuni 1.Utu wa Kisheria:  Kampuni inatambulika kisheria kama mtu binafsi, tofauti na wamiliki wake. Hii inamaanisha kuwa kampuni inaweza kumiliki mali, kuwa na madeni, na kuingia mikataba kwa jina lake. 2.Uwezo wa Kukusanya Mtaji:   Kampuni inaweza kukusanya mtaji kwa kuuza hisa kwa wawekezaji. Hii inasaidia kampuni kup...
Endelea kusoma
-
Picha
YAFAHAMU MAMBO 5 (MATANO) ILI KUENDESHA BIASHARA YENYE MAFANIKIO Dunia ya biashara imekua ikibadilika mara kwa mara,hii ikiwa ni pamoja na ujuzi au mikakati mbalimbali ambayo imekua ikitumika kulingana na aina ya biashara husika nayo huwa inabadilika. Haijalishi kama ndio unaanza biashara au ni mzoefu kwenye biashara fulani itakulazimu kuendana tu na mabadiliko mbalimbali ili uweze kufanikiwa kibiashara.  Katika andiko hili tutashirikishana mambo kama matano muhimu ili kusaidia kufanya biashara yenye mafanikio ili uweze kutimiza malengo yako uliyojiwekea. 1. JENGA JINA(BUILD A BRAND) Brand ni zaidi ya nembo ya biashara yako.  Huu ni utambulisho wa biashara yako na kwa namna gani unafikisha utambulisho huo kwa wateja wako. Ukiwa na brand(jina) kubwa ni rahisi kuwa mbele ya washindani wako,na vilevile utavutia watu wengine waje kwako na pia utaongeza thamani yako sokoni.   Hivyo ni muhimu sana ukaweka mikakati ya kujenga brand yako kwa kujitofutisha na washindani wako kwa k...
Endelea kusoma